Queridos amigos e colaboradores de Cáritas Interparroquial:
Agradecemos de corazón tantas aportacións solidarias que nos están chegando para axudar a moitas familias e persoas que a nós acoden e que grazas a vós podemos darlles un agarimo solidario.
Agora para a Campaña de Xoguetes 2019 solicitamos que os xogos e xoguetes que nos enviedes ou entreguedes  sexan novos. Non é preciso que sexan os xogos máis caros nin os máis comerciais, senón aqueles que vexades pero  deben ser novos.
Por que novos?
Porque son para entregar no medio da maxia e do milagro do Nadal.
Porque todos os nenos e nenas merecen un agasallo  propio.
Porque promovemos a igualdade entre todos e máis entre nenos e nenas.
Por tantas outras razóns que confiamos entendades e comprendades e que nos serven  para promover a alegría e a  inocencia que nestes tempos e máis os nenos  precisamos.
Mil grazas, feliz advento e moi bo Nadal .